Eftir Hörpu Rún Kristjánsdóttur
Úr ljóðabókinni Edda sem hlaut bókmenntaverðlaun Tómasar Guðmundssonar 2019. Sæmundur gefur út.
Harpa Rún Kristjánsdóttir
Skjól
Sama sól og sama tungl
sjá ykkur
rísa og hníga
í skjóli sama fjallahrings
líður líf ykkar
prýtt hláturblómum
skelfingarsköflum
táraflóðum
líf
ykkar allt
ekki nema
andartak
hvíslar eldfjallið
að jökulleifunum.
Sólarlag
Æskan og ástin
síðustu geislarnir
þegar sálin hnígur til viðar.
Edda, Sæmundur, 2019
Fræ
Blár himinn
sólskin
brosandi barn
blæs biðukolluhári
í andlit mér
gleypi fræin
inn um öll vit
lofa að sá þeim
á rétta staði.
Minningar, hvað er að marka þær?
Ekki annað, en dropar af sólskini, kandís.
Og ást.
