Eftir Ástu Fanneyju Sigurðardóttur
Úr ljóðabókinni Eilífðarnón sem kom út í nóvember. Partus gefur út.
við öndum öll hægt
í takt
við takkana
andinn andar
líkaminn fylgir
heilinn er net í sjónum
hnit á miðum
hugsanir
heilinn er lestarstöð
brautarpallar
hugsanir
þessi fer með þig þangað
þessi fer með þig þangað
þessi fer með þig þangað
þessi fer með þig þangað
ekkert er eins og það virðist vera
allt
er
alls konar
kaffibolli er draumur
þornað hrísgrjón draumur
hringtorg draumur
farsími draumur
draumur draumur
svaðilför draumur
uglasatákvisti draumur
útvarpið draumur
demantur draumur
rifrildi speglun
ást ást
líkami hof
hof hús fyrir anda