Eftir Davíð Hörgdal Stefánsson
Davíð Hörgdal Stefánsson
Úr fjórðu ljóðabók Davíðs, Heimaslátrun og aðrar vögguvísur. Forsala bókarinnar stendur nú yfir á Karolina Fund og lýkur henni þann 14. nóvember.
Fjallið og ljóðið
Fjallið og ljóðið
sköpuð úr sama
hráefni
bæði gegnsæ
eins og byltingin
miskunnarlaus
þegar úr þeim hrynur
ég skrifa fjall
til að verja mig
yrki jörðina upp
og móta hvassan drangann
ég les fjall
til að hnoða
deigið í útlimina
kalla yfir mig hrun
og brosa á móti skriðunni
