Ljóð dagsins fjallar um skáldin og skáldskapinn

21. júlí 2009 · Fært í Ljóð dagsins 

Ljóð dagsins er eftir Bólu-Hjálmar og fjallar um skáldskap. Það er fjögur erindi en hér birtast einungis það fyrsta og það síðasta; í miðerindunum sem hér er sleppt deilir Hjálmar á ungu skáldin (sem sé Jónas) fyrir drambsemi.

Ei er kyn þótt ort sé hér á landi,
hvar upplýsingin geisar lítt stöðvandi,
svo kvæðasmiðir kalla má
komu út úr steinum blá
með hljóðin há.
Gamburmosar gefa frá sér töðu,
gnóg í mærðar hlöðu.

- – -
Íslenskan er orða frjósöm móðir,
ekki þarf að sníkja, bræður góðir,
né heilum stela hendingum
og hugmyndanna vendingum,
með skjall og skrum,
frá þeim sem við fátækt sína þreyja
og fordildarlaust deyja.